Khush hoon me zindagi ki apni is kitaab me.
Tatolti hoon un panno ko jo shayad adhure se reh gaye kuch un-kahe sawal-jawabo me.
kabhi-kabhi sochti hoon ki ye aas-paas ki kamoshi kitni zaroori hai zindagi ki shyaahi k liye
aur kabhi, kuch panno pe ye hi shyaahi shor ke dhabbe chor jaati hai
kuch shor ko shabdo ka sahara miljata hai aur vo tham se jaate hain
to kuch be-parwah goonjte rehate hai...ki shayad kabhi unka bhi kahin kuch arth hoga....
Samay ke saath hum ek adhyay se doosare ki taraf badhte chale jaa rahe hain
aur kabhi पृष्ठ स्मृतिyo (bookmarks) ki madad se thoda ruk kar, kahani ko ehsaas me laa rahe hain.ye sil-sila ruk ke chalne ka aur chalkar rukne ka jaari hai.
aur vahi silsila ek ajeeb sa jaadoo bikher deta hai
to kabhi yaad dilati hai - jab hum akhri shabd piro rahe honge....shayad ye kitaab Padhenge sab us din.
No comments:
Post a Comment